11. október, 2023

Microsoft hefur gefið út mánaðarlegar uppfærslur tengdar Microsoft Patch Tuesday. Að þessu sinni eru gefnar út uppfærslur vegna 104 veikleika í heildina, og eru 12 þeirra merktir sem mjög alvarlegir (e. critical) [1]. Þrír af veikleikunum eru núlldagsveikleikar (e. zero-day vulnerability) sem verið er að misnota [2]. CERT-IS mælir með að uppfæra án tafa og fara eftir ráðleggingum frá Microsoft. Mikilvægt er að lesa yfir leiðbeiningar frá Microsoft til að koma í veg fyrir að uppfærslur valdi truflunum.

Tilkynnt var um nokkra alvarlega veikleika í NetScaler ADC og Netscaler Gateway hjá Cloud Software Group, Inc. Adobe Commerce, Magento Open Source og Photoshop hjá Adobe og hjá Curl. CERT-IS mælir með að uppfært sé eins fljótt og auðið er í útgáfu þar sem veikleikinn hefur verið lagfærður.