Hlutverk okkar
Netöryggissveitin CERT‑IS gegnir hlutverki landsbundins viðbragðsteymis á sviði net- og upplýsingaöryggis og hefur það meginmarkmið að draga úr áhættu á netárásum, efla netöryggisvitund og tryggja skjót og fagleg viðbrögð við öryggisatvikum sem kunna að steðja að innviðum, fyrirtækjum, stofnunum og almenningi. Með því að safna upplýsingum, greina ógnir og miðla viðvörunum og leiðbeiningum stuðlar CERT‑IS að auknu öryggi fyrir íslenska netumdæmið. Fyrirtæki, stofnanir og almenningur eru hvött til að tilkynna netöryggisatvik sem þau verða vör við. Teymið tekur jafnframt þátt í innlendu og alþjóðlegu samstarfi um netöryggismál. CERT-IS starfar samkvæmt varnarmálalögum nr. 34/2008 og lögum um breytingu á þeim nr. 34/2008. Starfsemin heyrir undir utanríkisráðuneyti og er þar með starfsstöð CERT-IS.
Þjónusta
Sviðshópar
Lög
Þjónusta
CERT-IS bregst eins fljótt og mögulegt er við öllum tilkynningum sem berast og veitir ráðgjöf og upplýsingar um viðbrögð eftir þörfum. Markmiðið er að lágmarka tjón innan netumdæmis Íslands með réttum viðbrögðum. CERT-IS sendir einnig út tilkynningar og viðvaranir um mögulegar ógnir. Komi upp alvarleg ógn, svo sem stórir veikleikar, samræmir CERT-IS viðbrögð til að tryggja að réttar og tímanlegar upplýsingar berist til allra.
Við sérstakar aðstæður er CERT-IS lögum samkvæmt skylt að forgangsraða tilkynningum frá mikilvægum innviðum, opinberum stofnunum og öðrum úr þjónustuhópum sínum umfram aðrar tilkynningar.
CERT-IS veitir alla þjónustu í trúnaði þar sem sveitin er undanskilin upplýsingalögum. Ef atvik hefur áhrif á þjóðaröryggi er það tilkynnt til almannavarnardeilda Ríkislögreglustjóra.
Sviðshópar
Á vegum CERT-IS eru starfræktir sviðshópar mikilvægra innviða þar sem fyrirtæki og stofnanir vinna saman að bættu netöryggi nauðsynlegrar þjónustu á Íslandi.
Innan hópanna er markvisst unnið að því að auka virk samskipti um netöryggismál, m.a. með því að fara yfir áhættur og ógnir. Skipulagðar eru netöryggisæfingar með hópunum en þær eru veigamikill hluti í undirbúningi undir stóráföll og skila miklum ávinningi hjá þeim sem taka þátt. hóparnir eru líka vettvangur til að auka ástandsvitund um netöryggi og byggja undir stöðumynd fyrir Ísland og hvern geira.
CERT - IS hefur virkjað eftirfarandi hópa:
- Sviðshópur Fjarskiptainnviða
- Sviðshópur Fjármálainnviða
- Sviðshópur Samgönguinnviða
- Sviðshópur Orkuinnviða
- Sviðshópur Heilbrigðisinnviða
- Sviðshópur Stafrænna grunnvirkja
Lög og reglur
Eftirfarandi eru helstu lög og reglugerðir sem eiga við um starfsemi CERT-IS
Lög nr. 34/2008
Varnarmálalög
Lög nr. 34/2008
um breytingu á varnarmálalögum
Reglugerð nr. 480/2021
um netöryggissveit Póst- og fjarskiptastofnunar (CERT-IS)
Lög nr. 78/2019
um öryggi net- og upplýsingakerfa mikilvægra innviða
Reglugerð nr. 1255/2020
um öryggi net- og upplýsingakerfa veitenda stafrænnar þjónustu
Reglugerð nr. 866/2020
um öryggi net- og upplýsingakerfa rekstraraðila nauðsynlegrar þjónustu
Auglýsing nr. 1414/2025
um skrá yfir rekstraraðila nauðsynlegrar þjónustu