12. júlí, 2023

Microsoft hefur gefið út mánaðarlegar uppfærslur tengdar Microsoft Patch Tuesday. Í heildina eru gefnar út að þessu sinni uppfærslur vegna 132 veikleika, og eru 9 þeirra merktir sem mjög alvarlegir (e. critical). Sex veikleikar eru flokkaðir sem nýveilur (e. 0-day) sem er nú þegar verið að misnota. CERT-IS mælir með að uppfæra án tafa og fara eftir ráðleggingum frá Microsoft. Mikilvægt er að lesa yfir leiðbeiningar frá Microsoft til að koma í veg fyrir að uppfærslur valdi truflunum.

Tilkynnt var um alvarlegan veikleika í FortiOS og FortiProxy hjá Fortinet. Veikleikinn gerir ógnaraðila kleift að keyra kóða eða skipanir sem kerfisstjóri á búnaði með því að senda sérhannaða pakka. CERT-IS mælir með að uppfært sé eins fljótt og auðið er í útgáfu þar sem veikleikinn hefur verið lagfærður.