Nýtt tilkynningaform til að tilkynna öryggisatvik hefur verið sett í loftið. Nálgast má formið í gegnum tilkynningahnappinn á forsíðu CERT-IS.
Öllum er frjálst að tilkynna öryggisatvik til CERT-IS og eru allar upplýsingar meðhöndlaðar sem trúnaðarmál. Dæmi um öryggisatvik eru vefveiðar, álagsárásir eða gagnagíslatökur. Formið leiðir tilkynnandann áfram og biður um viðeigandi upplýsingar eftir eðli atviksins. CERT-IS skoðar allar tilkynningar á dagvinnutíma og metur viðbragð út frá því hvort óskað er eftir aðstoð eða tilkynningin sé merkt til upplýsinga.
Ef alvarlegt öryggisatvik kemur upp utan dagvinnutíma, geta fulltrúar mikilvægra innviða haft samband við CERT-IS í gegnum bakvaktarsíma.
