Undanfarin ár hafa netárásir þar sem ýmis nettengd tæki eru smituð og notuð í netárásum aukist umtalsvert. Þetta eru oft snjalltæki sem margir líta ekki á sem „tölvur“ í hefðbundnum skilningi. Þar má nefna spjaldtölvur, snjallsíma, snjallsjónvörp, myndlykla/streymisbox (e. IPTV-box), skjávarpa og jafnvel afþreyingarkerfi í bílum.
BadBox 2.0 er dæmi um ógn þar sem umfangsmikil og skipulögð glæpastarfsemi nýtir tækin til netglæpa og í flestum tilfellum án vitundar notenda. Um er að ræða stórt yrkjanet (e. botnet) sem samanstendur fyrst og fremst af ódýrum nettengdum Android-tækjum sem ekki eru viðurkennd af Google (e. Play Protect-certified). Í mörgum tilvikum eru tækin þegar sýkt frá framleiðanda, eða smitast fljótlega eftir uppsetningu með forritum sem koma frá óviðurkenndum þriðja aðila (e. Unofficial app stores). Notandinn áttar sig oftast ekki á því að neitt sé að þó tækið sinni ólöglegum verkefnum í bakgrunni.
Hvernig virkar BadBox 2.0?
Umfang og árhif BadBox 2.0
Greiningar benda til þess að yfir milljón sýktra tækja í rúmlega 200 löndum, þar á meðal Íslandi, hafi verið hluti af BadBox 2.0. Útbreiðslan og mismunandi gerð sýktra tækja gera rakningu yrkjanetsins mun erfiðari. Afleiðingarnar fyrir notendur tækjanna geta verið alvarlegar. Ef nettenging heimilisins er notuð í netglæpum getur IP-tala notanda endað á blokklista, aukinn möguleiki er á frekari smiti annarra tækja á sama neti og upp hafa komið tilfelli þar sem gögnum er stolið beint af tækjum notanda svo sem persónuupplýsingar, kortanúmer og fleira.
Hvernig má verjast?
- Virkja Google Play Protect ef það er ekki þegar virkt, sjá nánar um það hér
- Horfa gagnrýnum augum á óeðlilega ódýr snjalltæki
- Kaupa tæki frá viðurkenndum framleiðendum
- Forðast tæki með gylliboðum, t.d. ókeypis sjónvarpsefni
- Fylgjast með óeðlilegri netumferð á heimilistengingu
- Aftengja og skipta út tækjum sem fá ekki lengur öryggisuppfærslur
- Setja aðeins upp forrit frá viðurkenndum snjallforritsverslunum (Google Play, App Store)
- Nota fría vírusskanna frá viðurkenndum aðilum, dæmi um nokkra slíka:
BadBox 2.0 minnir okkur á að einfalt nettengt heimilistæki getur orðið skotmark ógnaraðila. Ógnin felst ekki aðeins í tækninni sjálfri, heldur í samspili ódýrrar framleiðslu, þarfar á vitundarvakningu almennra notenda og skorts á eftirliti.