Í stuttu máli, já.

Tilkynningar til CERT-IS eru mikilvægur þáttur í því sem tryggir yfirsýn sveitarinnar á íslenska netumdæmið.

Tilkynningar frá einstaklingum, fyrirtækjum og stofnunum hjálpa við að fá betri mynd af stöðu mála og auðvelda miðlun viðeigandi upplýsingum til þeirra sem þurfa að fá þær.

CERT-IS tekur öllum tilkynningum opnum örmum, hvort sem um er að ræða netárás á fyrirtæki, vefveiðaherferðir sem herja á almenning eða innbrot í mikilvæg kerfi. Hægt er að smella hér til að tilkynna atvik til CERT-IS

Ýmsir telja hugtakið „lykilorð“ (e. password) hefði átt að vera „lykilfrasi“ (e. passphrase) frá upphafi. Hugtakið veldur því að við hugsum um fyrirbærið sem eitt orð frekar en setningu eða orðasafn sem er mun betri vörn en stök orð og mun erfiðara fyrir tölvur að „giska á“ í jarðýtu-árás (e. brute force attack). 

Smelltu hér til að fá ítarlegri upplýsingar um góðar lykilorðavenjur.

Í sífellt stafrænna samfélagi er fjölþátta auðkenning nauðsynlegri með hverju árinu.

Þú týnir lyklunum þínum á almanna færi og lyklakyppan er merkt heimilisfanginu þínu. Ef aðlilinn sem finnur lyklana er óprúttinn gæti hann nýtt sér fundinn og valsað inn á heimilið þitt og látið greipar sópa.

Ímyndaðu þér núna að þú sért með fingrafaraskanna við útidyrnar og lykillinn einn dugar ekki til að opna hana. Nú duga lyklarnir ekki einir og sér til að opna hurðina og óprúttni aðilinn þarf að hafa mun meira fyrir því að brjótast inn.

Þetta er líkt því og ef lykilorðið þitt kemst í hendur óprúttina aðila t.d. í gagnaleka eða vefveiðum. Sé aðgangurinn þinn ekki varinn nema með lykilorðinu hefur aðilinn sem veit það óheftan aðgang að því kerfi sem um ræðir. Fjölþátta auðkenning þýðir að óprúttnir aðilar þurfa meira en bara lykilorðin okkar til að brjótast inn.

Smellið hér til að lesa meira um fjölþátta auðkenningu.