Microsoft glímir við umfangsmiklar þjónustutruflanir sem hafa áhrif á Microsoft 365 notendur um allan heim. Bilunin hefur meðal annars haft áhrif á Outlook, Teams, OneDrive, SharePoint og Copilot. Orsök bilunarinnar virðist tengjast innviðum Microsoft og vinnur fyrirtækið að því að koma þjónustunni aftur í eðlilegt horf.
Gríðarlegur fjöldi fyrirtækja og stofnana notar Microsoft lausnir við dagleg störf. Bilunin undirstrikar mikilvægi þess að reiða sig ekki um of á einn þjónustuveitanda og hafa skilgreindar varaleiðir og viðbragðsferla þegar atvik sem þessi koma upp.
Nýtt sjálfsmat Fjarskiptastofu getur gefið fyrirtækjum og stofnunum hugmynd um hvar gæti þurft að bæta atriði varðandi stöðu netöryggis.
Vert er að skoða eftirfarandi atriði í ljósi atviksins
- Prófaðu vefútgáfur þjónustanna, t.d. outlook.office.com eða teams.microsoft.com, ef forritin virka ekki.
- Ekki eyða miklum tíma í endurteknar innskráningar eða endurræsingar. Vandinn er hjá Microsoft en ekki í þínu tæki.
- Yfirfara varaleiðir til mikilvægra tengiliða, hafa símanúmer skráð eða nýta önnur samskiptaforrit á borð við Signal eða WhatsApp
- Tryggðu afritunartöku af mikilvægum gögnum, í SharePoint og Onedrive
- Fylgstu með stöðu þjónustunnar á status.cloud.microsoft.
Ekki er ljóst hvenær öll þjónusta verður komin í eðlilegt horf.
Þessi truflun þýðir ekki að tölvan þín sé biluð eða að þú þurfir að breyta lykilorðinu þínu. Best er að sýna þolinmæði og nýta aðrar leiðir þar til Microsoft hefur leyst vandann.